Фитомаг (1-метилциклопропен ёки 1-МЦП) бошқа препарат ва усуллардан ўз афзаллиги билан ажралиб туради. У кўплаб қишлоқ хўжалиги корхоналарига ҳам, шунингдек мева, сабзавотлар, ҳўл мева, реза мева ва гулларни ташиш ва сақлаш билан шуғулланадиган компанияларга ҳам зарур.

Фитомаг препаратининг таъсир қилиш тартиби 1-метилциклопропен таъсир қилувчи модда билан рецепторларни блокада қилиш натижасида етилиш ва эскириш биологик жараёнларини тўхтатишдан иборат. Этиленнинг, α-фарнезеннинг, унинг оксидланиш маҳсулларининг мева ичидаги биосинтез жараёнининг секинлашуви, нафас олиш тезлигининг, ферментатив фаолликнинг пасайиши, хлорофиллнинг парчаланиши ва бошқа метаболизм жараёнлари юз беради.

2004 йилдан бошлаб И.В.Мичурин номидаги Бутунроссия боғдорчилик ИТИ томонидан помидорларни сақлашда Фитомаг (1-метилциклопропен ёки 1-МЦП) препаратидан фойдаланиш самарасига оид тадқиқотлар олиб борилади.

И.В.Мичурин номидаги Бутунроссия боғдорчилик ИТИдан В.А.Гудковский, Мичурин номидаги давлат аграр университетидан Д.В.Акишин, Бутунроссия сабзавотчилик илмий-тадқиқот институтидан Е.В. Мосягина ва А.Ф. Бухаров таркибидаги бир гуруҳ олимлар Фитомаг препаратини қўллаган ҳолда помидорларнинг сақланиш сифатини оширишнинг селекциявий – генетик усулини уйғунлаштириш вазннинг табиий озайишини камайтириш ва сақловдан кейин имкон қадар харидоргир мевалар чиқишини таъминлаш имконини беришини кўрсатишди.

Меваларнинг сифати – ўлчами, ранги, биокимёвий ва минерал таркиби, зараркунандалар, касалликлар, тўр билан қопланиш, офтоб уриши, шаффофлик билан зарарланиш даражаси, механик шикастланиш ва ҳок. – боғда шаклланади.

Боғдорчилик - устувор соҳа, чунки янги узилган ҳўл мевалар инсоннинг тўғри овқатланиш тартибининг энг муҳим таркибий қисмларидан бири ҳисобланади. Инсон саломатлигини ушлаб туриш учун ҳўл меваларни йил давомида истеъмол қилиш зарур. Аммо, меваларни сақлашнинг мавжуд технологияларида йўқотишлар 20-25 % қадар бўлиши ва ундан ортиб кетиши мумкин, шунингдек улар озуқа қийматининг кескин пасайиб кетиши кузатилади.